Opne vasstandsdata
Alle vasstandsdata i Kartverket si teneste «Se havnivå», er tilgjengeleg i eit API.
Slutt på widget for tidvatn Bytt til API
Kartverket har delt kode som du kan bygge inn på di nettside for å vise vasstand no, samt neste høg- og lågvatn. Denne tenesta vert avslutta i januar 2027.
Brukar du iframe med kode (widget) frå Se havnivå, må du i staden hente data via API-et for vasstandsdata.
Finn data Data for vasstand og tidvatn
Her får du meir informasjon om bruk av API for vasstandsdata:
Data om vasstand er gjort tilgjengeleg gjennom eit API som gjer det mogleg å hente ut og integrere data i eigne system.
Du kan få data i xml-format, som PDF-fil eller som tekst-fil.
API-et er opent for alle. Det er ikkje nødvendig å registrere seg, men Kartverket krev å bli namngitt som kjelde. Les meir om vilkår for bruk.
Kartverket sett pris på ei tilbakemelding på e-post til kundesenter@kartverket.no, spesielt viss du brukar datasetta til å lage nye tenester eller app-ar.
Data i API-et
I API-et kan du, for dei fleste målestasjonane, finne vasstandsdata tilbake til slutten av 1980-talet.
For ein del av stasjonane finnast det eldre data. Desse dataa kan du laste ned frå Copernicus Marine Service sin portal, til dømes gjennom deira kartløysing.
I artikkel om permanente vasstandsmålarar får du oversikt over data tilgjengeleg i API-et, og kor langt tilbake i tid du kan finne vasstandsdata hos Copernicus.
Sjølv om du kan laste ned vasstandsdata i nær sanntid frå Copernicus, anbefaler vi at du brukar API-et frå Kartverket for dei nyaste dataa. Dette for å sikre at alle oppdateringar blir tatt omsyn til.
Tidvasstabellar og vasstandsvarsel på Se havnivå
Observert og varsla vasstand, flod og fjære og tabellar for tidvatn finn du i nettenesta «Se havnivå». Bruk vasstandsvarsel for de næraste dagane og tidvasstabell for å planlegge lengre fram i tid.
E-posten er sendt