Oppsummering frå regionmøta Nordland 2025
Regionmøta i Nordland vart halde på fem stader i perioden 3. - 24. april. Totalt 56 deltakarar frå 23 kommunar innan oppmåling, landbruk, skogbruk, plan, byggjesak, beredskap og leiarnivå deltok.
For å nå ut til mange hadde me møte på fem stader i fylket; Bodø, Brønnøy, Lødingen, Sandnessjøen og Svolvær.
Hovudfokus på regionmøta var styrking av kommunane si kapasitet for effektivt vedlikehald av geodata, og informasjon om Kartverkets tilbod om rettleiing og støtte.
Ulike fagtema
På programmet var nyheiter og informasjon om Noreg digitalt-arbeidet, forvaltning, drift og vedlikehald (FDV) og dessutan utfordringar knytt il ulike fagtema.
Geodatasamarbeid
- Noreg digitalt
- nytt opplegg for geodataplanen
- Kartverkets fellesløysingar
Basis geodata
- Kartlegging
- Felles kartdatabase (FKB)
- Forvaltning, drift og vedlikehald (FDV)
Plan- og temadata
- FDV-arbeid for plandata i 2025
- kommunale planregister
- arealrekneskap i kommuneplanen
- funksjonell strandsone
- temadata i areal- og beredskapsplanlegging
Matrikkel
- dokumenttilsyn
- autorisasjonsordninga
- føring av jordskiftesaker
- rapportar i Nextcloud
- eigenregistrering
Styrker Noreg digitalt-samarbeidet
I tillegg til fagleg påfyll er regionmøta ei god moglegheit til å knyta kontaktar via dialog og samtalar. Det er også viktig med omsyn til å styrkja og halda samarbeidet ved like innan Noreg digitalt-arbeidet i fylket.
Til møteoversikt og heile programmet på regionmøta Nordland 2025
E-posten er sendt