Sjøkart på Svalbard i ny utgåve
Hovudseriekart nr. 521 «Femtebreen – Gråhuken» er oppdatert med nye djupnedata i store deler av Raudfjorden.
Kartet blir plotta på bestilling gjennom Print on Demand-tenesta. Tidlegare utgåver er no ugyldige.
Sjøkart nummer 521 «Femtebreen – Gråhuken», er i målestokk 1:100 000 og inngår i Kartverkets hovudkartserie på Svalbard. Hovudseriekart er i første rekke navigasjonskart for indre kyststrøk.
Kjøpe sjøkart
Kartverket sel ikkje papirkart, men lagar kartfiler som forhandlarar trykkjer for deg, såkalla Print on Demand-kart (POD).
Sjå oversikt over Kartverkets forhandlarar som du kan bestilla papirkart hos.
Endringar i sjøkartet
Raudfjorden, heilt nord på Spitsbergen, er kartlagt og nye djupnedata redigert inn i sjøkartet.
Sjøkartet er også oppdatert med andre endringar og rettingar meldt i Etterretninger for sjøfarende (Efs), sidan kartet blei utgitt som ny utgåve førre gong i juni 2024. Rettingar kan vere sjømerke, grunnerapporteringar og anna. I tillegg til endringar tidlegare meldt i Efs, er sjøkartet oppdatert med andre endringar, som kan vere nymålingar i større og mindre grad.
Alle sikkerheitskritiske oppdateringar og rettingar til offisielle norske sjøkart er gratis tilgjengeleg via den digitale tenesta Efs, kartverket.no/efs.
Slik er kartet merkt:
Ny utgave 11/2025. POD: 4. november 2025. Rettet t.o.m. Efs nr. 20/25.
Elektroniske sjøkart
Områda som er dekt av sjøkartet er også dekt av ENC-ar (elektroniske kartceller).
Fakta Ny utgåve av sjøkart
Ein ny utgåve av eit eksisterande sjøkart inkluderer endringar viktig for navigasjon, i tillegg til endringar som tidlegare er kunngjort i Etterretningar for sjøfarande (Efs). Store deler av kartet er uendra.
Når ein «ny utgåve» er utgitt, blir tidlegare utgåver av sjøkartet forelda og dermed ugyldige.
Kartnummeret endrast ikkje, med unntak av tilføying av INT-nummer når sjøkartet blir eit internasjonalt kart (INT-kart).
Norske sjøkart blir utgitt som POD-kart, ny utgåve og nytt kart.
The mail has been sent!