Kartlegging i Vestland 2023

Det er også starta opp to kartleggingsprosjekt i samarbeid med Grunnkart Bergen. Vi går òg mot avslutting av eit prosjekt med historiske ortofoto, og eit FKB-C prosjekt som vil gir betre kart i fjellområder fylket.

Ytre Hordaland 2023

Flyfotografering i Øygarden, Askøy, Austrheim, Fedje og delar av Alver kommune. Flybileta vert brukt som grunnlag for konstruksjon av FKB-B kartgrunnlag og til etablering av ortofoto.

Øygarden Askøy Meland laser 2023

Laserskanning med 10 punkt per m² i Øygarden, Askøy og Meland. kommune. Laserdata vert brukt som høgdegrunnlag i Geovekst-prosjektet Ytre Hordaland 2023, til vedlikehald av Nasjonal detaljert høgdemodell (NDH) og til produksjon av høgdekurver.

Kinn Bremanger 2023

Flyfotografering i Kinn og Bremanger kommune. Flybileta vert brukt som grunnlag for konstruksjon av FKB-B kartgrunnlag og til etablering av ortofoto.

Sunnfjord 2023

Flyfotografering i Sunnfjord kommune. Flybileta vert brukt som grunnlag for konstruksjon av FKB-B kartgrunnlag, og til etablering av ortofoto.

Bergen nord 2023

Samarbeidsprosjekt med Grunnkart Bergen. Flyfotografering i Bergen kommune. Flybileta vert brukt som grunnlag for konstruksjon av FKB-B kartgrunnlag, og til etablering av ortofoto.

Bergen nord laser 2023

Samarbeidsprosjekt med Grunnkart Bergen. Laserskanning med 10 punkt per m² i Bergen kommune. Laserdata vert brukt som høgdegrunnlag i Geovekst-prosjektet Bergen nord 2023, til vedlikehald av Nasjonal detaljert høgdemodell (NDH) og til produksjon av høgdekurver.

Kinn Bremanger Sunnfjord laser 2023

Laserskanning med 10 punkt per m² i Kinn, Bremanger og Sunnfjord kommune. Laserdata vert brukt som høgdegrunnlag i Geovekst-prosjekta Kinn Bremanger 2023 og Sunnfjord 2023, til vedlikehald av Nasjonal detaljert høgdemodell (NDH) og til produksjon av høgdekurver.

Historiske ortofoto Vestland fylke

Dette er andre runde med historiske ortofoto i fylket. Prosjektet vert fullført i løpet av våren 2023, og omfattar:

• 54 flyoppgåver, cirka 12 300 flybilete frå 1980-talet.
• 20 flyoppgåver, cirka 2 300 flybilete eldre «nitratfoto» frå 1935-1962.

 

FKB C fjell og kystområder Vestland fylke

Omløpsfoto er brukt som grunnlag for etablering av betre kartdata i fjell og kystområder. Prosjektet omfattar fjellområder i kommunane Etne, Kvinnherad, Ullesvang, Kvam, Vaksdal, Modalen, Alver, Masfjorden, Solund, Gulen, Askvoll, Hyllestad, Fjaler, Høyanger, Vik, Lærdal, og Sunnfjord.

Klikk for å sjå heile kartutsnittet.

Om Geovekst-samarbeidet

Det er dei lokale partane i Geovekst-samarbeidet som står bak prosjekta. Nyproduserte data inngår i det offentlege kartgrunnlaget og vert tilgjengeleg mellom anna via:

• norgeibilder.no
• hoydedata.no
• norgeskart.no

I tillegg til lokale Geovekst-prosjekt vert det også gjennomført datafangst i Vestland fylke i regi av Kartverket ved:

• Kartverkets sjødivisjon måler behovsbasert langs kysten med multistråle ekkolodd. Sjå tilgjengelege djupnedata i portalen dybdedata.no
• Nasjonal detaljert høgdemodell (NDH), som no har full dekning av detaljerte høgdedata i fylket (tilgjengeleg via hoydedata.no).
• Nasjonalt program for omløpsfotografering planlegg å skanne eit stort område i Nordfjord, Sunnfjord - Sogn i 2023 (hak av for «Omløpsfotografering plan» i menyen for å sjå oversikt over dette).